Կրթական տեխնոլոգիաների ազգային կենտրոնի (ԿՏԱԿ) Հայաստանի դպրոցների ինտերնետային ցանցի բաժնի ավագ մասնագետ Հայկ Թադևոսյանը, մարզային համակարգողներ՝ Էդգար Մանուկյանը և Ալբերտ Աբրահամյանը 2017թ. մարտի 27-ից ապրիլի 1-ը ներառյալ (6 օր) գործուղվել են Արցախի Հանրապետություն` դպրոցների համակարգչային դասարանների ծրագրային և տեխնիկական սպասարկման աշխատանքներն իրականացնելու նպատակով:
Համառոտ ակնարկ համագործակցության մասին
ԿՏԱԿ-ի և ԼՂՀ կրթության, գիտության և սպորտի նախարարության համագործակցությունը սկսվել է դեռևս 2010 թվականից, երբ Հայաստանի Հանրապետության կառավարությունը համակարգչային դասարանների ութ համակազմ էր նվիրել Լեռնային Ղարաբաղի Հանրապետության ավագ դպրոցներին, որոնց տեղադրման և դպրոցներում տեղային ցանցերի ստեղծման աշխատանքները վստահվել էր ԿՏԱԿ-ին: Մշտապես կազմակերպվող այցերի ընթացքում ԿՏԱԿ-ի աշխատակիցները բացի համակարգչային դասարանների ծրագրային և տեխնիկական սպասարկման աշխատանքներից, ԼՂՀ կրթության և գիտության նախարարության օժանդակությամբ, անցկացրել են հանրակրթության ոլորտում տեղեկատվական և հաղորդակցական տեխնոլոգիաների ներդրման հարցերին նվիրված սեմինար-խորհրդակցություններ, կազմակերպվել՝ դասընթացներ։
Անցած տարիների ընթացքում ընդլայնվել է համագործակցությունը և այժմ ընդգրկում է աշխատանքային տարբեր ուղղություններ.
2014թ. 22 համայնքներում կազմակերպված դասընթացներին մասնակցել են 235 աշակերտ և 389 ուսուցիչ, 2015թ.՝ 447 աշակերտ և 338 ուսուցիչ, իսկ 2016թ.՝ 315 աշակերտ, 226 ուսուցիչ:
Արցախի կրթական համակարգին ցուցաբերվող աջակցության համար 2016թ. հոկտեմբերին ԿՏԱԿ-ի տնօրենն արժանացել է ԼՂՀ նախարարության պատվոգրի, իսկ կազմակերպությունը՝ Շնորհակալագրի (http://ktak.am/index.php/am/news/view/17):
