ԿՏԱԿ-ի հետ կապի ՏԵՂԵԿԱՏՎԱԿԱՆ ԹԵՐԹԻԿ

Կրթական տեխնոլոգիաների ազգային կենտրոնը (ԿՏԱԿ) պետական ոչ առևտրային կազմակերպություն է, ստեղծվել է ՀՀ կառավարության 2004 թվականի մարտի 11-ի թիվ 408-Ն որոշմամբ: ԿՏԱԿ-ի գործունեության առարկան Հայաստանի Հանրապետության հանրակրթական դպրոցներում տեղեկատվական և հաղորդակցման տեխնոլոգիաների ներդրումն ու դրա շարունակականության ապահովումն է: 

Կազմակերպության գործունեության նպատակներն են`

• հանրակրթական դպրոցները ժամանակակից համակարգչային սարքավորումներով համալրելը.
• հանրակրթական դպրոցների միջև համընդհանուր համակարգչային ցանցի ներդնումը.
• հանրակրթական դպրոցներում ինտերնետային կապի ներդնումը.
• հանրակրթական դպրոցներում համակարգչային ուսումնական կենտրոնների ստեղծումը.
• Հանրապետությունում տարվող կրթական տեղեկատվական և հաղորդակցման տեխնոլոգիաների բնագավառի բոլոր ծրագրերի կոորդինացումը.
• ուսուցիչների համակարգչային գրագիտության բարձրացման նպատակով, նրանց վերապատրաստումը.
• հանրակրթական դպրոցների ինտերնետային համալիր էջի ստեղծումը և դրա շահագործումը.
• համակարգչային ուսումնական նյութերի և ծրագրային փաթեթների մշակումը, հրատարակումը, և տրամադրումը հանրակրթական դպրոցներին.
• համակարգիչների վարձակալության գործընթացի և շրջանառու հիմնադրամի կառավարումը.
• կրթական տեղեկատվական և հաղորդակցման միջավայրի ստեղծումը` համակարգչային համընդհանուր ցանցում աստիճանաբար ներառելով միջին և բարձրագույն մասնագիտական ուսումնական կազմակերպությունները:

Կազմակերպության կառավարումն իրականացնում են հիմնադիրը (Հայաստանի Հանրապետություն)` ի դեմս Հայաստանի Հանրապետության կառավարության, նրա լիազորած պետական մարմինը` ի դեմս Հայաստանի Հանրապետության կրթության և գիտության նախարարության և գործադիր մարմինը` ի դեմս տնօրենի և կոլեգիալ կառավարման մարմնի` ի դեմս խորհրդի: 

ԿՏԱԿ-ի խորհրդի կազմը.

• Հասմիկ Հակոբյան, (խորհրդի նախագահ), ՀՀ ԿԳՄՍՆ, Գլխավոր քարտուղար,
• Գրիշա Հովհաննիսյան, «Կրթական ծրագրերի կենտրոն» ծրագրերի իրականացման գրասենյակ, տնօրեն, 
• Արտաշես Թորոսյան, Կրթության զարգացման և նորարարությունների ազգային կենտրոն, Տնօրենի ժամանակավոր պաշտոնակատար,
• Լեոնիդ Ավետիսյան, «ԷԿԵՆԳ» ՓԲԸ, տնօրեն,
• Հայկազն Նավասարդյան, Երևանի Ա.Շահինյանի անվան ֆիզմաթ դպրոց, տնօրեն,
• Արմեն Ծատուրյան, «Վանաձորի մաթեմատիկական և բնագիտական առարկաների խորացված ուսուցմամբ հատուկ դպրոց» ՊՈԱԿ, տնօրեն,
• Վարդան Ավետիսյան, «Մարտունու Տ․ Աբրահամյանի անվան ավագ դպրոց» ՊՈԱԿ, տնօրեն
• Լիլիթ Արեյան, «Երևանի թիվ 181 հիմնական դպրոց» ՊՈԱԿ, տնօրեն
• Հոռոմսիմ Գեղամյան, «Ավետիսյան» դպրոց, տնօրեն
• Արմեն Կուլախսզյան, (խորհրդի քարտուղար), ԿՏԱԿ, տնօրենի տեղակալ, ՀԿՑ բաժնի պետ,
• Արաբո Մարգարյան, ԿՏԱԿ, գլխավոր ադմինիստրատոր:
   

19.09.2011 թ. ԿՏԱԿ-ի տնօրենն է Արտակ Պողոսյանը:
2006-2011 թթ. կազմակերպության տնօրենն է եղել և կազմակերպության կայացման գործընթացը ղեկավարել տեխնիկական գիտությունների դոկտոր, պրոֆեսոր Արեգ Գրիգորյանը:
2004-2006 թթ. ԿՏԱԿ-ի տնօրենն է եղել և կազմակերպության ստեղծման գործընթացը ղեկավարել Էդվարդ Հովսեփյանը։