Կրթական տեխնոլոգիաների ազգային կենտրոնի կողմից ստեղծված ու շահագործվող «Հայկական կրթական միջավայր» պորտալն ու վերջինիս հիմնական ենթակայքերը՝ Հայկական կրթական ֆորումը, «Պաշարների շտեմարան» կայքը և Հեռավար ուսուցման համակարգը հունիս ամսին ունեցել են ավելի քան 830,000 էջի դիտում: Յուրաքանչյուր օր պորտալն ու իր ենթակայքերը ունեցել են միջինում 5,000 այցելու, ամսվա ընթացքում այցելուներն եղել են ավելի քան 60,000: Յուրաքանչյուր այցելության միջին տևողությունը 5.5 րոպե է:
Բացի Հայաստանից կայքն ունի այցելուներ նաև ՌԴ-ից, Վրաստանից, ԱՄՆ-ից, Ֆրանսիայից, Իրանից ու հայկական սփյուռք ունեցող այլ երկրներից:
Հայկական կրթական ֆորումի քնարկումներում հունիս ամսին ուսուցիչների ու մյուս օգտվողների կողմից կատարվել է մոտ 2,200 գրառում, ստեղծվել է մոտ 120 նոր թեմա: Այս ընթացքում ֆորումում գրանցվել է 114 նոր մասնակից:
«Պաշարների շտեմարան» կայքում հունիս ամսին տեղադրվել է 157 նոր կրթական պաշար` 270 կցված ֆայլով: Միայն նոր տեղադրված պաշարների դիտումների թիվը գերազանցել է 45,000-ը, իսկ կցված ֆայլերի բեռնումների թիվն անցել է 40,000-ից: Այս ընթացքում կայքում գրանցվել է 390 նոր օգտվող:
Հեռավար ուսուցման համակարգում այս ամսին կազմակերպվել է մեկ դասընթաց` երկու փուլով, որոնց մասնակցել է 54 ուսուցիչ:
Հայկական կրթական միջավայր պորտալի նորություններ բաժնում այս ամսվա ընթացքում տեղադրվել է կրթական ուղվածության ավելի քան 60 նորություն և 5 հայտարարություն, թարմացվել են մյուս բաժինները:
Պորտալի աշխատանքի վիճակագրությունը մայիս ամսին կարող եք դիտել այստեղ:
