«Կրթական էլեկտրոնային պաշարներ ստեղծելու գործիքներ» բաց դասընթացների շարք

Կրթական տեխնոլոգիաների ազգային կենտրոնը հայտարարում է ՏՀՏ առցանց գործիքների կիրառության հեռավար կարճատև դասընթացների շարքի կազմակերպման մասին։

Հարգելի դասավանդողներ, սիրով հրավիրում ենք մասնակցելու նախընտրած դասընթացին կամ դասընթացներին․

Google ամպային տեխնոլոգիաներ
Ինտերակտիվ դասերի բովանդակության ստեղծում (Nearpod)
Ինտերակտիվ ուսումնական գրատախտակների ուսուցում (Google Jamboard, MS Whiteboard)։

Յուրաքանչյուր դասընթացի տևողությունը մեկ շաբաթ է․

դասընթացի առաջին օրվանից նյութերը (տեսական, գործնական) հասանելի են ԿՏԱԿ-ի «Հեռավար ուսուցման կենտրոն» համակարգում (https://dlc.armedu.am) ուսումնասիրման համար՝ առանց լրացուցիչ հայտի կամ գրանցման (մուտքը՝ որպես հյուր),
ընթացքում կազմակերպվում է տեսահանդիպում և քննարկումների ֆորում՝ անհասկանալի հարցերի պարզաբանման նպատակով,
դասընթացի ավարտին, ամփոփիչ աշխատանքի (հարցաշար կամ առաջադրանք) հանձնումից հետո մասնակիցները ստանում են վկայագրեր։

Դասընթացների կազմակերպման ժամանակացույցը և աշխատակարգը՝ «Հայտարարություններ» բաժնում։

Կրթական տեխնոլոգիաների ազգային կենտրոն