Համաեվրոպական կրթական համայնքին միանալու երկու հնարավորություն՝ հանրակրթության ոլորտի մասնագետների համար

Մարտի 20, 2026

Դասավանդողները և հանրակրթության ոլորտի մյուս մասնագետները հրավիրվում են միանալու European School Education Platform առցանց հարթակին և eTwinning եվրոպական կրթական համայնքին։ Համաեվրոպական կրթական այս նախաձեռնությունները ստեղծվել են դասավանդողների առօրյա աշխատանքին, մասնագիտական զարգացմանը և համաեվրոպական համագործակցությանը նպաստելու համար։

European School Education Platform-ում կգտնեք բարձրորակ ուսուցողական նյութեր, փորձագիտական վերլուծություններ, մասնագիտական ուսուցման և համագործակցության մի շարք հնարավորություններ։ Այն անվճար և հասանելի է հանրակրթության ոլորտի բոլոր մասնագետների համար և աջակցում է ինչպես դասարանային ուսուցմանը, այնպես էլ ողջ դպրոցի զարգացման գործընթացներին։

• գրանցվել և միանալ հարթակին՝ https://school-education.ec.europa.eu/en
• բաժանորդագրվել տեղեկագրին՝ https://school-education.ec.europa.eu/en/about/newsletter

eTwinning եվրոպական կրթական համայնքը միջազգային համագործակցության լայն հնարավորություններ է բացում։

eTwinning-ին միանալով՝ Դուք կարող եք՝

• համագործակցել եվրոպական տարբեր երկրների ուսուցիչների հետ,
• իրականացնել համատեղ կրթական նախագծեր,
• զարգացնել սովորողների միջմշակութային և թվային հմտությունները,
• հարստացնել դասավանդումը նորարարական մոտեցումներով։

eTwinning-ում գրանցվելու գործընթացին կարող եք ծանոթ և անալ այս պարզ ուղեցույցում՝ http://youtube.com/watch?si=vrVm6sadC4vGzJOu&v=kQ1EiZOkC8Y&feature=youtu.be

ESEP հարթակը միավորում է այս հնարավորությունները՝ առաջարկելով նաև՝

• պատրաստի ուսումնական նյութեր և ուղեցույցներ,
• անվճար առցանց դասընթացներվեբինարներ,
• մասնագիտական զարգացման և համագործակցության գործիքներ։

Հարթակը բաց է հանրակրթության ոլորտի բոլոր մասնագետների համար, իսկ գրանցումն անվճար է և ապահովում է անմիջական հասանելիություն ինչպես ESEP հարթակին, այնպես էլ eTwinning համայնքին։