«Հեռավար ուսուցում կազմակերպելու հմտություններ» թեմայով հերթական դասընթացը կմեկնարկի մայիսի 4–ին

Ապրիլի 27, 2021

Ամփոփվել է Կրթական տեխնոլոգիաների ազգային կենտրոնի (ԿՏԱԿ) «Ուսումնական գործընթացի կազմակերպման առցանց միջոցներ» թեմայով դասընթացը, որը ստեղծել և կազմակերպել էին ԿՏԱԿ-ի ՏՀՏ բովանդակության և վերապատրաստումների բաժնի աշխատակիցները՝ Մարիետա Դումիկյանը, Մարի Գասպարյանը և Լուսինե Մանուկյանը։

Երեք խմբերում ընդգրկված 75 հայտատուներից դասընթացին մասնակցել են 64 ուսուցիչներ, որոնցից 44-ը ակտիվ և արդյունավետ մասնակցության համար ստացել են ԿՏԱԿ-ի հավաստագրեր։ 

«Հեռավար ուսուցում կազմակերպելու հմտություններ» թեմայով հաջորդ դասընթացը կմեկնարկի մայիսի 4-ին, որին մասնակցելու համար պետք է լրացնել հայտի ձևաթուղթը։ Մասնակցության հայտի հղումը հետևյալն է՝ https://forms.gle ։

Հարգելի գործընկերներ, հայտը լրացնելուց և ուղարկելուց անմիջապես հետո կտեսնեք հայտի հաստատումը, իսկ մինչև դասընթացի մեկնարկը կստանաք «Հեռավար ուսուցում» համակարգի (https://elearning.armedu.am/) մուտքի ձեր տվյալները։

Տեղեկացնում ենք, որ «Հեռավար ուսուցում կազմակերպելու հմտություններ» թեմայով դասընթացներ կազմակերպվելու են ամբողջ տարվա ընթացքում։

Հարգանքով և արդյունավետ համագործակցության ակնկալիքով՝
Կրթական տեխնոլոգիաների ազգային կենտրոն