Ուսումնական գործընթացի շարունակականությունն ապահովելու նպատակով

Մարտի 17, 2020

Հանրակրթական ուսումնական հաստատությունների կրթական գործընթացի շարունակականությունը հեռավար ուսուցման և ՏՀՏ առցանց գործիքների կիրառման միջոցով հնարավորինս ապահովելու նպատակով իրականացվում են աշխատանքներ հետևյալ ուղղություններով։

Հեռավար ուսուցման համալիր էջի գործարկում

մարտի 16-ից գործարկվում է https://heravar.armedu.am/ համալիր էջը, որում կրթության ոլորտի կազմակերպիչներին և շահառուներին կտրամադրվի․

ուսումնական կայքերի օգտակար հղումներ՝ կից համառոտ նկարագրությամբ,
ՏՀՏ կրթական գործիքների և դրանց կիրառության մասին համառոտ ուղեցույցներ,
հեռավար, առցանց ուսումնական գործընթացի ուղղությամբ իրականացվող միջոցառումների մասին տեղեկատվություն (լուրեր, նորություններ, հայտարարություններ),
դպրոցների, կրթական կազմակերպությունների հետ հետադարձ կապ՝ heravar@ktak.am էլեկտրոնային փոստով։

Խորհրդատվություն Հայկական կրթական միջավայր ֆորումում

ստեղծվել է «ՀԵՌԱՎԱՐ ՈւՍՈւՑՈւՄ և ՏՀՏ» ենթաբաժինը ․

տեղեկատվություն և խորհրդատվություն տրամադրելու,
մասնագիտական քննարկումներ կազմակերպելու,
առաջավոր փորձը ներկայացնելու և փոխանակելու նպատակով։

Հեռավար ուսուցման հմտություններ ունեցող ուսուցիչների աշխատանքի համակարգում

հեռավար ուսուցման հմտություններին տիրապետող ուսուցիչներին առաջարկվում է ուսումնական պլանին համապատասխան մշակել հեռավար առարկայական դասընթացներ
տեղադրել ԿՏԱԿ-ի հեռավար ուսուցման համակարգում (կտրամադրվի խորհրդատվական աջակցություն)։

Հայկական կրթական միջավայրի հեռավար ուսուցման համակարգի աշխատանքի վերակազմակերպում

նախկինում կազմակերպված օգտակար հեռավար դասընթացները տեղափոխվել են https://dlc.armedu.am/ նոր համակարգ և բաց են բոլոր այցելուների համար (որպես հյուր),
կմշակվեն հեռավար ուսուցման և ՏՀՏ գործիքների կիրառման արագացված նոր դասընթացներ ուսուցիչների համար և կտեղադրվեն նշված համակարգում։

Իթվիննինգ եվրոպական պորտալի հնարավորությունների օգտագործում

կօգտագործվի Իթվիննինգ եվրոպական պորտալի լայն հնարավորությունը՝ դպրոցների ներգրավման և նախագծային մեթոդով դասեր կազմակերպելու համար,
կստեղծվեն առարկայական պրոյեկտներ, տարբեր առակաների և դասարանների համար, որոնց ցանկը կտեղադրվի https://etwinningplus.armedu.am/?page_id=2110 էջում։

Կրթական տեխնոլոգիաների ազգային կենտրոն