Սեմինար-շնորհանդես՝ ԿՏԱԿ-ի գործունեության հիմնական ուղղությունների մասին

Հոկտեմբերի 21, 2018

Կրթական տեխնոլոգիաների ազգային կենտրոնը հոկտեմբերի 19-20-ը կազմակերպել էր երկօրյա սեմինար-շնորհանդես՝ ԿՏԱԿ-ի գործունեության հիմնական ուղղությունների՝ կառավարման համակարգերի, Հայաստանի կրթական ցանցի բովանդակության, վերապատրաստումների և համագործակցության ներկայացման նպատակով։

Սեմինար-շնորհանդեսին մասնակցում էին ՀՀ կրթության և գիտության նախարարի տեղակալ Արևիկ Անափիոսյանը, նախարարության վարչությունների և բաժինների ղեկավարներ, Երևանի քաղաքապետարանի և մարզպետարանների կրթության վարչությունների պետեր, միջազգային և հայաստանյան կազմակերպությունների ներկայացուցիչներ, դպրոցների տնօրեններ, կրթության պատասխանատուներ, ինչպես նաև ԶԼՄ ներկայացուցիչներ։

ԿՏԱԿ-ի տնօրենը և աշխատակիցները ներկայացրեցին կազմակերպության գործունեության հիմնական ուղղությունները, դրանց իրականացման նպատակով ձեռնարկվող աշխատանքները (սեմինար-շնորհանդեսի նյութերը կցվում են)։

Տարբեր զանգվածային լրատվամիջոցներ անդրադարձել են և լուսաբանել երկօրյա սեմինարի աշխատանքը․

• Կրթության քաղաքականության մշակման և իրականացման հիմքում պետք է լինեն հետազոտությունները և վիճակագրական տվյալները. Ա. Անափիոսյան (ՀՀ ԿԳՆ կայք)
• ԿՏԱԿ-ը ստեղծել է կրթության կառավարման տեղեկատվական համակարգի նոր տարբերակ (հետք)
• ԿԳ փոխնախարար. «Կրթական համակարգն ըստ արժանվույն չի օգտագործում ԿՏԱԿ-ի բազան» (Առավոտ)
• ԿՏԱԿ-ի տնօրենը՝ դպրոցների տնօրենների թերացման մասին (Առավոտ)
• ԿՏԱԿ-ի տնօրեն. «Դպրոցի տնօրենը չի կարող ասել՝ տեղ չունեմ» (Առավոտ)