Արտագնա աշխատաժողով․ ԿՏԱԿ-ի գործունեության ներկայացում

Նոյեմբերի 1, 2019

Նորություններ

Կրթական տեխնոլոգիաների ազգային կենտրոնը (ԿՏԱԿ) հոկտեմբերի 31-ից նոյեմբերի 1–ը Աղվերանում կազմակերպել էր արտագնա աշխատաժողով՝ ԿՏԱԿ-ի գործունեության հիմնական ուղղությունների․

• Հայաստանի կրթական ցանցի բովանդակության
• հեռավար ուսուցման և վերապատրաստումների
• միջազգային ու տեղական կազմակերպությունների հետ համագործակցության
• ՀՀ պետական դպրոցներում ՏՀՏ հագեցվածության կարիքի ուսումնասիրության
• դպրոցների և մասնագիտական կրթության կառավարման տեղեկատվական համակարգերի

 ներկայացման նպատակով։

Աշխատաժողովին մասնակցում էին ՀՀ ԿԳՄՍ նախարարության վարչությունների և բաժինների ղեկավարներն ու աշխատակիցները, Երևանի քաղաքապետարանի և մարզպետարանների վարչությունների պետերն ու պատասխանատուները, տարբեր կրթական կազմակերպությունների ներկայացուցիչներ։

ԿՏԱԿ-ի տնօրենը և աշխատակիցները ներկայացրեցին կազմակերպության գործունեության հիմնական ուղղությունները, անցած մեկ տարվա ընթացքում կատարված աշխատանքները, նոր մեկնարկած ծրագրերը։

Ծավալված ակտիվ քննարկումների ընթացքում արվեցին առաջարկներ, որոնք հաշվի կառնվեն աշխատանքների շարունակական զարգացման ընթացքում։

Աշխատաժողովի օրակարգը կցվում է։